Kana booddees ergamichi laga bishaan jireenya namaaf kennu, isa bishaan isaa akka cabbii addaatu teessoo Waaqayyootii fi hoolichaa biraa ba'u anatti argisiise*. 2 Bishaanichi karaa mandarichaa walakkaa in yaa'a; lagicha gamaa gamanas muka jireenya namaaf kennu tokkotu dhaabata; mukti kun waggaatti si'a kudha lama ija waan godhatuuf, ji'a ji'aan iji irraa in argama; baalli mukichaas saba biyya lafaa fayyisuudhaaf in ta'a*. 3 Wanti abaaramaan mandarattii keessatti hin argamu; teessoon Waaqayyoo fi hoolichaa ishee keessa jira, hojjetoonni isaas isaaf in hojjetu*. 4 Isaan fuula isaa arguuf jiru, maqaan isaas adda isaanii irratti argamuuf jira*. 5 Halkanis deebi'ee hin argamu; Waaqayyo gooftaan ifa isaanii ta'uuf waan jiruuf, ifni ibsaa, ifni aduus isaaniif hin barbaachisu. Isaan baraa hamma bara baraatti mo'uuf jiru*. *1 His 47:1; Zak 14:8; Yoe 3:18 *2 21:21; His 47:7, 12; Uma 2:9; 3:22 *3 Zak 14:11 *4 Far 17:15; Mat 5:8; Mul 3:12 *5 21:22-25; Isa 60:19; Dan 7:18, 27 Beloud