BABALA: ANG BALITANG ITO AY NAGLALAMAN NG MGA SENSITIBONG USAPIN TULAD NG SEXUAL ASSAULT AT SUICIDE Isang 25-anyos na babaeng Espanyol ang tuluyang pumanaw matapos magwagi sa matagal na laban sa Korte upang makuha ang karapatang sumailalim sa euthanasia. Si Noelia Castillo ay matagal nang nakararanas ng psychiatric illness mula pa noong kanyang kabataan at naging biktima ng sexual assault. Ginamit ni Castillo ang batas ng euthanasia sa Spain, na ipinatupad noong 2021, upang humiling ng pahintulot na wakasan ang kanyang buhay. Gayunpaman, mariing tinutulan ng kanyang ama ang desisyon, kasama ang isang konserbatibong grupo na tinatawag na Christian Lawyers. Iginiit nila na hindi umano sapat ang kakayahan ni Castillo na magdesisyon nang maayos dahil sa kanyang kondisyon sa pag-iisip. Umabot sa halos dalawang taon ang usaping legal na dumaan sa mga rehiyonal at pambansang hukuman sa Spain. Noong unang bahagi ng buwan, tuluyang ibinasura ng European Court of Human Rights ang hiling ng kanyang ama na ipatigil ang euthanasia. Noong Huwebes ng gabi, natupad ang hiling ni Castillo na assisted death sa isang medical facility sa bayan ng Sant Pere de Ribes sa Barcelona. Beloud