બાલાસિનોર કાજીવાડા વિસ્તારમાં થયેલ ઘરફોડ ચોરીનો ભેદ ઉકેલી બે શખ્સોને ઝડપી પાડી બાલાસિનોર ટાઉન પોલીસની સફળતા બાલાસિનોર, તા. ૦૧/૧૧/૨૦૨૫ સુત્રો દ્વારા મળતી માહિતી અનુસાર મહેસાગર જીલ્લાના બાલાસિનોર ટાઉન પોલીસ સ્ટેશન હદના કાજીવાડા વિસ્તારમાં થયેલ ઘરફોડ ચોરીના ગુનાનો ભેદ ઉકેલી પોલીસ દ્વારા બે આરોપીઓને ઝડપી પાડવામાં આવ્યા છે. આ કાર્યવાહી મહેસાગર જીલ્લાના પોલીસ અધિક્ષક શ્રી સફીન હસન સાહેબ તથા ગોધરા રેન્જના આઈ.જી.પી. શ્રી આર.વી. અસારી સાહેબના માર્ગદર્શન હેઠળ તથા નાયબ પોલીસ અધિક્ષક શ્રી કમલેશ વસાવા સાહેબના માર્ગદર્શન અને પો.ઇન્સ. શ્રી એ.એન. નિનામા સાહેબની સૂચના મુજબ હાથ ધરવામાં આવી હતી. પોલીસ સ્ટાફ સાથે બાલાસિનોર શહેર વિસ્તારમાં પેટ્રોલીંગ દરમ્યાન હેડકો. શૈલેષભાઈ ખેંગારભાઈ (બ.નં. ૮૭૯)ને ખાનગી બાતમીદાર દ્વારા માહિતી મળી કે ત્રણ મહિના અગાઉ કાજીવાડા વિસ્તારમાં થયેલ ઘરફોડ ચોરીના આરોપી પ્રેમચંદપુરામાં જોવા મળ્યા છે. આ બાતમીના આધારે પોલીસ તાત્કાલિક કાર્યવાહી કરી એક શખ્સને પકડી પૂછપરછ કરતાં તેણે પોતાનું નામ ગીરવત ઉર્ફે મિથુન દશરથભાઈ ભોઈ જણાવી ચોરીની કબૂલાત આપી. તેમજ તેના સાથી મહંમદ ફૈઝાન ઉર્ફે બાબુલ ઇલિયાસભાઈ ખોખર સાથે મળીને કાજીવાડા વિસ્તારમાં રાત્રિના સમયે ઘરફોડ ચોરી કરી સૌનાં-ચાંદીના દાગીનાં ઓગાળી "રણી" બનાવી વેચાણ માટે તૈયાર કર્યાની માહિતી આપી હતી. પોલીસે તેમની પાસેથી નીચે મુજબનો મુદામાલ કબજે કર્યો છે: રીકવર થયેલ મુદામાલ: સોનાની રણી - ૩૩.૮૦૦ ગ્રામ - કિંમત રૂ. ૬૭,૬૦૦/- ચાંદીની રણી - ૯૭.૮૦૦ ગ્રામ - કિંમત રૂ. ૧૩,૭૨૦/- કુલ મુદામાલ કિંમત: રૂ. ૮૧,૩૨૦/- આ ગુનાનો નોંધ બાલાસિનોર ટાઉન પો.સ્ટે. એ.પાર્ટ ગુ.૨.નં. ૧૧૧૮૭૦૦૨૨૫૦૨૫૮/૨૦૨૫, બી.એન.એસ. કલમ ૩૦૫(એ), ૩૩૧(૪) મુજબ કરવામાં આવ્યો છે. આરોપીનો ગુનાહિત ઇતિહાસ: મુખ્ય આરોપી ગીરવત ઉર્ફે મિથુન દશરથભાઈ ભોઇ વિરુદ્ધ બાલાસિનોર તથા ગોધરા ટાઉન પોલીસ સ્ટેશનમાં ચોરી અને ઘરફોડ ચોરીના કુલ ૨૦થી વધુ ગુનાઓ નોંધાયેલ છે. જેમાં આ કામગીરી માં પો.ઇન્સ. શ્રી એ.એન. નિનામા, અ.હેડકો. શૈલેષભાઈ ખેંગારભાઈ (બ.નં. ૮૭૯), આ.હેડકો. હરેશભાઈ અમૃતભાઈ (બ.નં. ૧૫૬) આ.પો.કો. છત્રસિંહ ઉદેસિંહ (બ.નં. ૩૩૭), અ.પો.કો. રીતેશકુમાર રમેશભાઈ (બ.નં. ૭૪૪), આ.પો.કો. રાજેન્દ્રસિંહ હરૂભા (બ.નં. ૩૬૫) બાલાસિનોર ટાઉન પોલીસ સ્ટાફની આ ઝડપી અને અસરકારક કામગીરીને કારણે ગુનાનો ભેદ ઉકેલાયો છે અને ચોરાયેલ મુદામાલ કબજે લેવામાં સફળતા મળી છે. Beloud